2. Inoqutigiit isertitaat

Inoqutigiit atuisutut pingaarnertut isigineqarsinnaapput, inoqutigiit isertitaat tunngavigalugit inuiaqatigiit atuinerat pitsaasumik misissoqqissaarneqarsinnaavoq.

Inoqutigiit assigiinngitsunik amerlassusilinnik inuttallit aamma assigiinngitsunik katitigaasut sanilliunniarlugit inoqutigiit isertitaat naligiissinneqartarput – Kapitali 6-imi immikkoortumi 6.3-mi inoqutigiit isertitaasa naligiissinnerat atuarneqarsinnaapput.

 

Tabelit marluk ataani allassimasut saniatigut immikkoortumi 5.2-mi inoqutigiit isertitaasa agguarneri sukumiinerusut takuneqarsinnaapput. Kisitsisaataasivimmi bank.stat.gl–imi isertitat kisitsisitigut paasissutissaanni tabelinik nammineq toqqaalluni annertunerusunik aallertoqarsinnaavoq.

 

Tabeli 2.1 2016-imi agguaqatigiissillugit inoqutigiit isertitaat (1.000 kr.)

		Inoqutigiit isertitaat (ilanngaateqan-ngitsumik)	Inoqutigiit isertitaat akileraarutaa-sussat	Inoqutigiit isertitaat atoriaannaat
	Nuna tamakkerlugu ............	461	431	319
		Kommunit
	Kommune Kujalleq .............	359	333	257
	Kommuneqarfik Sermersooq ......	524	489	358
	Qeqqata Kommunia ............	464	436	323
	Qaasuitsup Kommunia ..........	413	387	288
		Najugaqarfiit
	Illoqarfiit  .....................	473	442	326
	Nunaqarfiit ....................	376	351	266
		Inoqutigiinni meeqqat amerlassusaat
	Meeraqanngitsut ...............	409	385	283
	Ataatsimik meerallit .............	549	510	380
	Marlunnik meerallit ..............	595	552	409
	Minnerpaamik pingasunik meerallit..	537	494	382
Najoqqutaq:  http://bank.stat.gl/INDH1

 

Tabeli 2.2 2015-imi agguaqatigiissillugit inoqutigiit isertitaasa naligiissinnerat

	Inoqutigiit isertitaasa naligiissinnerat (Ilanngaate-qanngitsumik)	Inoqutigiit isertitaasa akileraarutaa-sussat naligiissinnerat	Inoqutigiit isertitaasa atoriaannaat naligiissinnerat	Agguaqatigiis-sillugit naligiissitsi-nermi oqimaalutaq
	(1.000 kr.)
Nuna tamakkerlugu ..............	277	259	192	1,66
	Kommunit
Kommune Kujalleq ................	222	206	160	1,62
Kommuneqarfik Sermersooq ........	320	299	219	1,64
Qeqqata Kommunia ...............	278	262	195	1,67
Qaasuitsup Kommunia .............	239	224	167	1,73
	Najugaqarfiit
Illoqarfiit.........................	285	267	198	1,66
Nunaqarfiit ......................	216	202	152	1,74
	Inoqutigiinni meeqqat amerlassusaat
Meeraqanngitsut .................	290	272	201	1,41
Ataatsimik meerallit ................	274	255	190	2,00
Marlunnik meerallit ................	258	239	178	2,31
Minnerpaamik pingasunik meerallit ....	190	175	136	2,82

 

Najoqqutaq:  http://bank.stat.gl/INDH1

 

Kisitsisitigut paasissutissani inuit isertitaat nunami sumiiffinni inoqutigiit isertitaat assigiinnangajappaat. Kommuneqarfimmi Sermersuumi inoqutigiit isertitaat aamma inoqutigiit isertitaasa naligissinnerisa agguaqatigiissinneri kommuninut allanut sanilliullugu qaffasinnerungaatsiarpoq. Inoqutigiit isertitaat pillugit kisitsisitigut paasissutissat takutippaat – illoqarfinni nunaqarfinnilu inuit isertitaat assigalugu isertitat nikinganerujussuat. Nunaqarfinni inoqutigiit illoqarfinni inoqutigiinnut sanilliullugu amerlanerunerat pissutaalluni naligiissitsinermi oqimaalutat sunnerneqarnerat isertitat agguaqatigiissillugit naligiissitsinermi annertuumik assigiinngissuteqarput.

 

Kommunit akornanni naligiissitsinermi oqimaalutat aamma assigiinngillat. Kommune Kujallermi inoqutigiit ikinnerunerat pissutaalluni naligiissitsinermi oqimaalutaq agguaqatigiissillugit appasinnerpaamiippoq. Qaasuitsullu Kommuniani naligiissitsinermi agguaqatigiissillugu oqimaalutaq qaffasinneruvoq, kommunimi tassani inoqutigiit kommuninut allanut sanilliullugu amerlanerummata.